Am Samstig Morge sind mer alli in Oute am Bahnhof gsi und sind met em Zug uf Basu id Kletterhalle gfahre um em zu schöne Wetter z entcho.
Zerst hei mer es kurzes Ufwärme im Boulderrum gmacht. Nach ere kurze Ifüerig hei mer agfange s Stürze ond s Stürz sicher langsam uf boue.
Spöter het mer denne no chöne frei Klettere ond s glehrte direkt awende. Förs Mittagesse hei mers doch no usegwagt. Nächer esch nömme föu gange, d Energie esch weg gsi. Drum sind mer denn gli weder zogg nach Oute gfahre.
För vöu esch es s erste Mol gsi, dass si bewosst grösseri Stürz gmacht hei und paar hei ou no nie en Sturz gsecheret kah. Jetzt sind aber alli s Stürz biz gwöhnt ond wösse ou wie me richtig en Sturz abfoht. Jetzt müese mer die Erfahrig nomeno dosse awende...