Am Ostermäntig in Bivio
si mer bi Räge zäme cho.
Veruse goht do kei Hund,
dr Andi vermittlet eus Lawinekund.
Und nach em Gang id Sauna
hei mer ou rächt Hunger gha.
Am Zistig goht's denn ernsthaft los,
s Panorama uf em Gipfel isch famos.
Und bi schönste Sonnestrahle
tüei mer vom Piz dal Sasc abefahre.
Am nöchste Tag füehre Andrin und Andi
über d'Fuorcla Marcun die ganzi Bandi.
Zobe ir Chamanna Jenatsch,
isch Bachüberquerig de neui Klatsch.
Mit Pickel und Stiegise uf e Piz Laviner,
die Gipfelstürmer juble sehr.
Denn die tolli Abfahrt nach Preda,
was wott me do no meh ha?
Ä Ufstieg zum Punkt 2826 am letschte Tag,
wie chöme mer do abe, isch jetz d' Frag.
Uf Bärgfüehrer chöi mer eus verlaa,
ou wenn si eus am Seili abe laa.
S Tal derus isch es dr Wahn,
mer kurve richtig Bergün zur Bahn.
E erläbnisrichi Woche isch so rasch verbi
Danke Marianne, Kevin, Andrin und Andi!
das dream team
